ပန်းသီး ကွန်ပျူတာများပေါ်တွင် မြန်မာစာကို အင်္ဂလိပ် အသံထွက်နှင့် ရိုက်နိုင်ရန် စီစဉ်ခဲ့ကြ ဖူးပါသည်။ IBM compatible pc များတွင် ရိုးရာ မြန်မာ လက်နှိပ်စက်ကို အခြေခံသည့် စာရိုက်သည့် လက်ကွက်များကို အများစု အသုံးပြုခဲ့ကြသည်။

မည်သည့် keyboard လက်ကွက်ကို အသုံးပြုကြသည်ဖြစ်စေ ယခု တတိယ မျိုးဆက် မြန်မာစာစနစ် (ယူနီကုဒ်) သို့ ပြောင်းလဲ အသုံးပြုကြသည့်အခါ မြန်မာ keyboard ကို တစ်ချိန်တွင် မဖြစ်မနေ ပြောင်းလဲ အသုံးပြုကြရပါလိမ့်မည်။ ပိုမို အဆင့်မြင့်လာသည့် ယူနီကုဒ် နည်းပညာများကြောင့် ရရစ်၊ တစ်ချောင်းငင်၊ နှစ်ချောင်းငင်၊ အောက်မြစ် စသည့် စာလုံးပေါင်း များစွာကို unified လုပ်လိုက်ပြီး အလိုအလျောက်ထွက်လာပြီ ဖြစ်ပါသည်။

ယင်းအတွက် အတည်မဖြစ်သေးသော်လည်း စမ်သပ် အသုံးပြုနိုင်သည့် Unicode လက်ကွက်ကို software user များ သုံးလိုက သုံးနိုင်အောင် ထည့်ပေးထားခြင်း ဖြစ်ပါသည်။

လက်ကွက်-၃ ဆိုသည်မှာ-

ရိုက်နည်းသစ် နောက်တစမျိုးအဖြစ် Unicode လက်ကွက် ဖြစ်သော ‘လက်ကွက်-၃’ ကို WinInnwa5 အတွက် ထပ်မံ ထုတ်လုပ်လိုက်ပါသည်။ လက်ကွက်-၃ သည် Unicode လက်ကွက် ကိုသုံးထားပြီး ရိုက်နည်း ရိုက်ဟန်သည် သင်ပုန်းကြီး ရွတ်ဖတ်သလို ရေးယူခြင်း ဖြစ်ပါသည်။ ရရစ် အကြီးအသေး၊ ရကောက် ခြေထောက် အတိုအရှည်၊ စသည့် ရွေးပြီး ရိုက်ရစရာမလိုတော့ဘဲ အားလုံးလိုလိုကို အလိုအလျောက် ပြင်ဆင်ပေးပါသည်။ လက်ကွက် (၁ နှင့် ၂) များနှင့် မတူညီဘဲ အသုံးပြုရ အလွန် လွယ်ကူအဆင်ပြေသည့် စနစ်ဖြစ်ပါသည်။ ဤလက်ကွက်စနစ်တွင်.. ီပါ။ ျ ြ ွ ှ ု ူ ့ တို့သည် တလုံးသာပါရှိသည့်အတွက် မြောက်မြားစွာသော သံတူပုံရိုပ်ကွဲများကို သီးခြားမှတ်သားစရာမလိုပါ။ ကင်းစီးများသည် ရှေ့အက္ခရာနှင့် သက်ဆိုင် သည့်အတွက် ၎င်းအက္ခရာနှင့်တွဲ၍ရိုက်ရပါသည်။

· မြန်မာ’ ဆိုသည့် စာလုံးကို ရိုက်လိုလျှင်-
မ + ြ + န + ် = မြန်
r + j + e + f
မ + ာ = မာ
r + m

သင်ပုန်းကြီးရေးထုံးအတိုင်း ရွတ်ဆို ရေးသားပါက ( မ + ြ + န + ် ) ဆိုပြီး ရိုက်ယူပါ။ ‘မြန်’ ဟု ပေါ်လာ ပါမည်။

· မေ’ ဆိုသည့် စာလုံးကို ရိုက်လိုလျှင်-
ေ+ မ = မေ
a + f

· ကြား’ ဆိုသည့် စာလုံးကို ရိုက်လိုလျှင်-
 က + ြ + ာ + း = ကြား

ယခင်က ကဲ့သို့ ရရစ် အကြီးအသေး ရွေးရိုက်နေစရာ မလိုတော့ပါ။ မိမိ ကြိုက်ရာ ရရစ် အက္ခရာကို ရိုက်လိုက်ပါ။ အလိုလျောက် ပြောင်းပေး ပါလိမ့်မည်။

· ကျောင်း’ ဆိုသည့် စာလုံးကို ရိုက်လိုလျှင်-
ေ + က + ျ + ာ + င + ် + း = ကျောင်း

· အင်္ဂလိပ်’ ဆိုသည့် စာလုံးကို ရိုက်လိုလျှင်- (ကင်းစီးများသည် ရှေ့အက္ခရာနှင့် သက်ဆိုင်သည့်အတွက် ၎င်းအက္ခရာနှင့်တွဲ၍ရိုက်ရပါသည်။)
အ + င်္ + ဂ +လ + ိ + ပ + ် = အင်္ဂလိပ်

ပါဠိ ပါဌ်ဆင့် စာလုံးတွေကော ဘယ်လို ရိုက်ရမှာလဲ။

ပါဌ်ဆင့် ဆင့်မည့် အက္ခရာရှေ့တွင် (ကွန်ပျူတာ ကီးဘုတ်ပေါ်တွင်ရှိ နံပါတ်-(၁) ဟူသော ခလုတ်၏ ဘယ်ဘက်ရှိ) (“`” tilde Key) အက္ခရာလေးကို တစ်ချက် ထည့်ရိုက်ပေးရန်သာ လိုပါသည်။ ကင်းစီး (င+်+္ = င်္) သည် ရှေ့က ဗျည်းနှင့်သက်ဆိုင်သည့်အထွက်ကြောင့် အရင်ရိုက်ယူရပါမည်။ ဥပမာ-

· သတ္တဝါ’ ဆိုသည့် စာလုံးကို ရိုက်လိုလျှင်-
သ + တ + ‘‘ ` ’’ (tilde key) + တ + ဝ + ါ = သတ္တဝါ

· ဗုဒ္ဓ’ ဆိုသည့် စာလုံးကို ရိုက်လိုလျှင်-
ဗ + ု + ဒ + ‘‘ ` ’’ (tilde key) + ဓ = ဗုဒ္ဓ

· နိဗ္ဗာန်’ ဆိုသည့် စာလုံးကို ရိုက်လိုလျှင်-
န + ိ + ဗ + ‘‘ ` ’’ (tilde key) + ဗ + ာ + န + ် = နိဗ္ဗာန်

အခြား ရိုက်ရခက်နိုင်သည့် စာလုံးများ